#टोमॅटो_लागवड

 #टोमॅटो_लागवड :- 

-टोमॅटो हे महाराष्ट्रातील महत्वाचे पिके आहे ,महाराष्ट्रात सर्वच ठिकाणी टोमॅटो पीक घेता येते ,सद्यपरिस्थिती नाशिक ,पुणे,सातारा ,सांगली , नागपूर ,चंद्रपूर ,अहमदनगर या ठिकाणी मोठ्या प्रमाणात उत्पादन घेतले जाते. 

#लागवडीचा_हंगाम_व_जमीन  :- खरीप जून -जुलै , रब्बी सप्टेंबर - ऑक्टोबर ,उन्हाळी डिसेंबर -जानेवारी.

टोमॅटो पिकासाठी मध्यम ते भारी जमीन लागवडीसाठी योग्य,पाण्याचा निचरा चांगला होणारी जमीन,सेंद्रिय खताचा भरपूर पुरवठा,जमिनीचा सामू ६ ते ८ आवश्यक.

#लागवडीसाठी_सुधारित_वाण :-पुसा गौरव ,रोमा ,अर्का विकास,फुले राजा ,पुसा रुबी,पंजाब केसरी, नामधारी २५३५.अभिनव,अविनाश,आयुष्यमान  २ ,रुपाली ,वैशाली ,इ लोकल कंपनी चे वाण बाजारपेठेत उपलब्ध आहेत (आपल्या विभागात बाजारपेठेत मागणीनुसार जातीची निवड करावी ) 

- एकरी बियाणे १०० ते १२० ग्राम 

- लागवडीसाठी अंतर खरीप व रब्बी ९० बाय ६० सेमी उन्हाळी ६० बाय ४५ सेमी .

#खत_व्यवस्थापन_व_रोग_किडी_व्यवस्थापन :-

पूर्वमशागत करताना जमिनीत १२ ते १४ गाड्या चांगले कुजलेले शेणखत द्यावे .

- गादीवाफे तयार करताना त्यामध्ये शिफारशीनुसार युरिया १५० किलो + सिंगल सुपर फॉस्फेट ३५० किलो + म्युरेट ऑफ पोटॅश ५० किलो +निंबोळी खत २०० किलो एकरी द्यावे.

- गादीवाफा ओला करून घ्यावा या वेळेस ठिबकमधून सुडोमोनास द्यावे.रोप लागवड वापसा अवस्थेत करावी रोप लावल्यानंतर कडेची माती चांगली दाबून घ्यावी.३ दिवसानी पाणी देऊन घ्यावे.पाणी नियमित द्यावे 

- ५ व्या दिवशी ठिबकमधून अक्टरा /अरेवा २५० ग्राम + साफ / मेटको ५०० ग्राम + ह्यूमिक ५०० ग्राम द्यावे.

- विद्राव्य खत ठिबकमधून  १९:१९:१९ -३ किलो ३ दिवसाच्या अंतराने ८ वेळेस द्यावे (देण्याचा कालावधी लागवडीपासून ५ ते ३० दिवस )

- ७ व्या दिवशी फवारणी एम ४५- ३० ग्राम + असाटाफ ३० ग्राम १५ लिटर पाण्यात मिसळून फवारणी करावी.

- १० व्या दिवशी पिवळे चिकट सापळे ५ व निळे चिकट सापळे ५ लावावे चिकट सापळे यावर असलेल्या किडीचा प्रादुर्भाव नुसार फवारणी करावी.

- पुढील फवारणी रोग व किडी प्रादुर्भाव नुसार कीटकनाशक व बुरशीनाशक वातावरणातील बदलानुसार आलटून पालटून फवारणी घ्यावी.रसशोषक  किडींसाठी इमिडेक्लोप्रीड फवारावे.फळपोखरणारी अळी प्रादुर्भाव जास्त झाल्यानंतर खराब झालेली फळे काढून टाकावी व नष्ट करावी. नियंत्रणासाठी स्पिनोसॅड ४५ एस सी (Tracer) ७ मिलि किंवा सायंट्रेनिलिप्रोल १०.२६% ओ.डी.(Benevia) १५ मिलि किंवा अलिका १० मिली १५ लीटर पाण्यात मिसळून आलटून पालटून फवारणी करावी. केवडा, भुरी ,मर या बुरशीजन्य रोगांसाठी साफ किंवा अवतार किंवा एम ४५   फवारावे. एकच औषध पुन्हा पुन्हा न फवारता आलटून पालटून आवशकतेनुसार फवारावे. 

- १५ व्या दिवशी सिलिकॉन ३० मिली १५ लिटर पाण्यात मिसळून फवारणी १५ दिवसाच्या अंतराने करावी.

- ३० ते ३५ दिवसादरम्यान झाडाला वळण व आधार देणे.

- विद्राव्य खत ठिबकमधून  १२:६१:०० ३ किलो ३ दिवसाच्या अंतराने ६ वेळेस द्यावे (देण्याचा कालावधी ३१ ते ५० दिवस )

- ३५ व्या दिवशी टाटा बहार ३० मिली + सूक्ष्म अन्नद्रव्य २५ ग्राम १५ लिटर पाण्यात मिसळून १० दिवसाच्या अंतराने २ वेळेस द्यावे.

- ४५ व्या दिवशी ठिबकमधून  मॅग्नेशिअम सल्फेट ५ किलो (१२:६१:०० सोबत देऊ नये ) 

- विद्राव्य खत ठिबकमधून १३:००:४५  ३ किलो ३ दिवसाच्या अंतराने ६ वेळेस द्यावे (देण्याचा कालावधी ५० ते ७० दिवस )

- ५० व्या दिवशी कॅल्शिअम नायट्रेट ५ किलो ठिबक मधून द्यावे त्यानंतर २ दिवसांनी बोरॉन १५ ग्राम १५ लिटर पाण्यात मिसळून फवारणी करावी.

- ६० ते ६५ व्या दिवशी ह्यूमिक पॉवर ५०० ग्राम ठिबकमधून द्यावे 

-   पुढील तोडणीला १२:६१:०० २ किलो + १३:००:४५ २ किलो या प्रमाणात विद्राव्य खते चालू ठेवावी 

#उत्पादन :- जातीपरत्वे एकरी सरासरी उत्पादन ३० ते ४५ क्विंटल येते तोडणी अगोदर ३ ते ४ दिवस आधी कीटकनाशक फवारणी करू नये ,६५ ते ७० दिवसांनी तोडणी सुरु होते.तोडणी दिवसाआड करावी.

#टोमॅटो_लागवड #लागवडीचा_हंगाम_व_जमीन #खत_व्यवस्थापन_व_रोग_किडी_व्यवस्थापन #Tomato_planting   #उत्पादन  #swikrutiagroclinic 

 Swikruti Agro Clinic

https://www.facebook.com/swikrutiagroclinic/

https://t.me/joinchat/LE-ohRN3HY_-Nvz4ID5Hrg

https://www.instagram.com/swikruti.agro

https://bit.ly/2miyhzj