#काकडी_लागवड

 #काकडी_लागवड 

#लागवड_कालावधी_व_जमीन : काकडीची लागवड उन्हाळ्यात सुरुवातीला जानेवारी - फेब्रुवारी महिन्यात आणि पावसाळ्याच्या सुरुवातीला जून - जुलै महिन्यात करतात. जास्त पावसाच्या भागात हिवाळ्याच्या सुरुवातीला सप्टेंबर - ऑक्टोबर महिन्यात लागवड केली जाते.जमीन थोडी रेतीयुक्त असेल तर पिक चांगले येते.

#जाती - लागवडीसाठी फुले हेमांगी, फुले शुभांगी, जपान लॉंग ग्रीन, बलराम खीरा, प्रिय हे सुधारित वाण आहेत.

#खत_व्यवस्थापन : पूर्व मशागत करताना एकरी आठ टन चांगले कुजलेले शेणखत जमिनीत चांगले मिसळून घ्यावे.काकडी पिकाकरिता जमिनीतुन द्यावयाचे रासायनिक खत प्रमाण एकरी  (शिफारस) ४५ किलो युरिया,१२० किलो सुपर फाँस्फेट,३० किलो म्युरेट आँफ पोटश द्यावे.

-काकडीच्या जातीनुसार काकडीची लागवड ९० सेंमी अंतरावर टोकून करतात. दोन वेलींत ४५ सेंमी अंतर ठेवावे. लांब वेलींत ६० सेंमी अंतर ठेवावे एकरी अर्धा किलो बियाणे लागते.

-लागवडीनंतर एकरी  ७ व्या दिवशी साफ ५०० ग्राम + अक्टरा २५० मिली+ ह्यूमिक ५०० ग्राम आळवणी करावी १० व्या दिवसानंतर १९:१९:१९ - ३ किलो ३ दिवसाच्या अंतराने ५ वेळेस द्यावे ३० व्या दिवसानंतर १२:६१:०० -३ किलो ३ वेळा द्यावे.आवश्यक खतमात्रा  कॅल्शिअम नायट्रेट २ किलो + बोरॉन २० टक्के ५०० ग्राम(१२:६१:००  ह्या विद्राव्य खतांसोबत देऊ नये ) ठिबकमधून १५ दिवसाच्या अंतराने २ वेळेस  द्यावे. ४० व्या दिवसापासून १२:६१:०० २ किलो +१३:००:४५ -२ किलो ५ वेळेस द्यावे  तसेच सूक्ष्म अन्नद्रव्य २५ ग्राम १५ लिटरपाण्यात मिसळून फवारणी करावी.

#रोग_व_किडी : - रसशोषक  किडींसाठी इमिडेक्लोप्रीड फवारावे. फळमाशी प्रादुर्भाव नियंत्रणासाठी नुवोन २० मिली + गूळ ५० ग्राम १५ लीटर पाण्यात मिसळून आवश्यकतेनुसार फवारणी करावी.गुळाकडे फळमाशी आकर्षित होऊन नियंत्रण लवकर होण्यास मदत होते.प्रादुर्भाव जास्त झाल्यानंतर खराब झालेली फळे काढून टाकावी व नष्ट करावी. नियंत्रणासाठी स्पिनोसॅड ४५ एस सी (Tracer) ७ मिलि किंवा सायंट्रेनिलिप्रोल १०.२६% ओ.डी.(Benevia) १५ मिलि १५ लीटर पाण्यात मिसळून फवारणी करावी. केवडा, भुरी या बुरशी जन्य रोगांसाठी साफ किंवा अवतार  फवारावे. एकच औषध पुन्हा पुन्हा न फवारता बदलून बदलून फवारावे. 

-सुमारे दीड महिन्याने काकड्या तोडणीस येतात अंदाजे १२ ते १५ तोडण्या होतात.

#उत्पादन :- एकरी सात ते दहा टन होते . 

-संकरीत काकडीचे वजन २०० ते २५० ग्रॅम भरते तर एकरी उत्पादन १२ ते १५ टन पर्यंत मिळते.

#काकडी_लागवड #फळमाशी.#रोग_व_किडी #खत_व्यवस्थापन #लागवड_कालावधी_व_जमीन  #उत्पादन  #cucumber_planting 

#swikrutiagroclinic 

Swikruti Agro Clinic

https://www.facebook.com/swikrutiagroclinic/

https://t.me/joinchat/LE-ohRN3HY_-Nvz4ID5Hrg

📞https://bit.ly/2miyhzj